واحد إتنين الجيش العربى فين
قصيدة زجلية للشاعر محمد بهجت
تمتلئ كلماتها بالحزن والتهكم على
الوطن العربى فى أضعف صوره
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
واحد ...... اتنين
واحد ... اتنين .......... الجيش العربى فين
الجيش العربى فين الجيش العربى فين
الجيش العربى فى مصر ساكن فى مدينة نصر
يصحى من النوم العصر وبيفطر شاى ومنين
واحد ...... اتنين ......... الجيش العربى فين
الجيش العربى فى سوريا حالق ع الموضة كابوريا
وعلى طريقة فيكتوريا خلى التروماى بدورين
واحد ........ اتنين ........ الجيش العربى فين
الجيش العربى الليبى زى الفن التكعيبى
كله بدنجان يا حبيبى والظاهر واخد عين
واحد ...... اتنين ......... الجيش العربى فين
الجيش العربى خليجى مافى حيل لا يروح ولا يجى
هيدا صمت إستراتيجى إيش فيك يا غراب البين
واحد ...... اتنين ......... الجيش العربى فين
الجيش العربى فى تونس أخضر مثل البقدونس
وعزيزة بتعشق يونس تبقه الحربات بعدين
واحد ........ اتنين ........ الجيش العربى فين
الجيش العرب سودانى سامع خطوته بودانى
هوة انا هاهجم فرادانى يلا إرجع يا ابو حسين
واحد ....... اتنين ......... الجيش العربى فين
الجيش العربى إتهان يوم ما إنضربوا الأفغان
وسكت فى البوسنة زمان وقبل ياكل بالدين
واحد ...... اتنين .......... الجيش العربى فين
تحياتى
رضـــــــــــــــــــــــــــ الكلم ـــــــــــــــــــــــــــــــــــــاب
|
العرض الشجري