رباعيات جميل الشريف - الصفحة 4

01-07-2010, 07:54 PM

يا صغير ياريت تقولى بتفكر فى إيه

لسة بدرى عليك تشيل الهم ليه

إلعب يانونو وهيص وظأطط وإضحك

وما تحمل هم بكرة ربك كفيل بيه

01-08-2010, 07:02 PM

عشان لقمة العيش ببيع العيش

بدل ماأتذل أمد يدى ويقولومافيش

دنيا زى الطاحونة ما بترحم حد

ونا لازم ياخلق الله ولابد أعيش

01-08-2010, 07:16 PM

عاشرت خلق كتير وياما شفت

وياما بلادكتيرة لفيت بها وطفت

وبعدعمر طويل ووصلت للتمانين

قلت ياريت ماكنت ياناس إتخلقت

01-09-2010, 07:40 PM

22

قولى يا ليل الشتا ياحزين

إمتى يبطل الناس أنين

رد وقال ياريت تقولى

أجيب أنا الفرح منين

01-11-2010, 05:51 AM

23

ماتش كورة

ماتش كورة عمل مشكلة

وكانت هتوصل لمقتلة

ياميت خسارة على العرب

حياتهم بقت سبهللة

01-12-2010, 05:38 AM

24

دنيا البدع

عايش فى دنيا بشوف البدع

شباب مايصة ... وبنات دلع

من خوفى منهم قلبى إتلسع

ومن خوفى عليهم قلبى إتوجع

01-14-2010, 08:52 PM

25

سر السعادة

سعيد بيغنى وفارد جناحاته

متوكل على ربه فى كل أوقاته

قلت لو ليه ياعصفور إنتا سعيد

قال السعيد إللى راضى بحياته

01-16-2010, 04:41 PM

ببص على الدنياوخايف منها

مش عارف لسه شيئ عنها

ياترى هشوف منها إيه

أفراحها ولا أحزانها

01-16-2010, 11:09 PM

الدنيا منارة لاثبات التاريخ

واللى يعيش بيها بصمته دكتور جميل

يحكى لها التاريخ فى هذا العصر والاوان

دكتور جميل شاعر الالحان

غنى ربيعيات الادب وهذا هو العنوان

لسه يادنيا مين جاى المسيح ولا الرسول جاى

ربنا يوفقك الدكتور ويحفر هنا بجدار قسم عذب المروج

قصة بعنوان الروبيعات

تحيتى اليك دكتور جميل وتناسق الذوق يبهرنا

01-17-2010, 08:14 AM

اقتباس:

المشاركة الأصلية كتبت بواسطة محمد تامر [عزيزي الزائر يتوجب عليك التسجيل لمشاهدة الرابط للتسجيل اضغط هنا]

الدنيا منارة لاثبات التاريخ

واللى يعيش بيها بصمته دكتور جميل

يحكى لها التاريخ فى هذا العصر والاوان

دكتور جميل شاعر الالحان

غنى ربيعيات الادب وهذا هو العنوان

لسه يادنيا مين جاى المسيح ولا الرسول جاى

ربنا يوفقك الدكتور ويحفر هنا بجدار قسم عذب المروج

قصة بعنوان الروبيعات

تحيتى اليك دكتور جميل وتناسق الذوق يبهرنا

الأخ الكريم

محمد تامر

كثير على جد كثير ما أفضتم على به من فيض كرمكم

بارك الله فيك يا أخى الحبيب وجزاكم الله خير الجزاء

01-17-2010, 08:18 AM

يلا يا حلوة كلى هم هم

قبل ما ييجى أولاد العم

أمورة قوى آه ياخواتى

ورشيقة وخفيفة الدم

01-18-2010, 08:23 AM

28

لنكن صفا واحدا

إيدك معايا نخلى الشمل يتلم
هات جارك وأخوك وإبن العم
كلنا صف واحد على الخاين
كدا تحلى وتعمر ويزول الهم

01-19-2010, 09:14 PM

29

عملية حسابية

وواحد وواحد يبقو إتنين

لو كانو يا صاحبى مختلفين

وواحد وواحد يبقو واحد

لو كانو يا صاحبى متفقين