فى اليل أقوم أرمى الهموم
أصحى يانايم روح يانوم
دا الفجر قرب يلا ياخال
صحى العيال يلا وكرب
ولو رحت يوم عند الطبيب
قبل ماتكشف إسأل مجرب
ع الطبلة إيدى عمالة تضرب
وأقول ونادى الفجر قرب
وأفوت على كل البيبان
وخبط عليها بالخيزران
إصحى ياسيد إصحى ياموسى
وإصحى كمان يام حنان
إصحو وقولو الله أكبر
على كل ظالم وعلى الشيطان
وإصحى يابطة وإصحى يانوسة
يار ب أشوفك وإنتى عروسة
فى الكوشة قعدة جنب العريس
والدنيا زحمة وإمك ف حوسه
يارب يا ...كبير وقادر
رحمة ونور ولينا غافر
إرحم عبيدك صامو وصلو
كلو بيشكر كمان وذاكر
وفى الختام أرمى السلام
على إللى نايم عمى حمام
وأقولوا إصحى يلا قوام
إذكر وكبر خليك همام
"الطبل طبلى والدق علىطبلى
ناس كانو قبل قالو ف الأمثال
الرجل تدب مترح ماتحب
ونا صنعتى مسحراتى ف البلد جوال
لفيت ودقيت كما العاشق ليالى طوال
وكل حتة من بلدى حتة من كبدى حتة من موال
إصحى يانايم إصحى يانايم إصحى
وحد الرزاق
إصحى يانايم إصحى يانايم إصحى
رمضان كريم