بسم الله الرحمن الرحيم
أكيد أنت العربى
تعرف تتكلم غربى ؟ .......... وتزود همى وكربى ؟
تلوح صوتك أفرنجى ؟ ............ وحياتك مسخ أوربى
يبقى أنت أكيد العربى
تعرف تستنكر جامد .......... وتهيص واقف قاعد
وتغمى عيونك خالص ........ بين انك مش حاسس
يبقى أنت أكيد العربى
تبعت وتجيب فى مبادرة ...... وأراء دايما متصادرة
تعمل لك قمة مريحة ..... بتشع بأعفن ريحة
يبقى أنت أكيد العربى
تحرق فى رموز أجدادك ............ بقى بوش وبلير أسيادك
وتبيع فى أخوك وولادك ........... وتغير جلدك دوغرى
يبقى أنت أكيد العربى
جعجع وأتكلم وأنبر ........... وأكذب هيص أو أفشر
أشجب .. بغبغ .. أستنكر .............. وأعمل نفسك متأثر
يبقى أنت أكيد العربى
أشجب .. ندد .. ما تونش ............. وأنت فى الاصل مطنش
دا القهر فى مخك عشش ....... أن ندا وطنك متردش
يبقى أنت أكيد العربى
عامل نفسك مش شايف ............. وتغنى أنك مش خايف
مع أنك كائن هايف .......... بالونة عليها شفايف
يبقى أنت أكيد العربى
فالح تضرب فى أخواتك ...... وتغنى سيرة أمواتك
والجبن أهم سماتك ..... وحياة الذل حياتك
يبقى أنت أكيد العربى
تعمل طوابير تستعرض ..... وتغنى فى ندوة ومعرض
والعالم شافك زود .... فى كلامة وقال متعود
يبقى أنت أكيد العربى
حسك عينك تتكلم ...... أفضل تنح وأتبلم
أحضن أعداءك سلم ........ وأشنق ولدك وأستسلم
يبقى أنت أكيد العربى
العالم عايز قوة ....... مش بس كلام من جوة
عالم محتاج لفتوة ..... مش واحد يضرب غنوة
أصح وقوم ياعربى
مع قبول تحياتى
مازن المصرى
أكيد .. أنت العربى
العرض الشجري