بسم الله الرحمن الرحيم
فلسفة حمار
عجبى عليك يا بن أدم ياكبير الدار ...قومت الدنيا وماقعدت لما قالوا حمار
هو أسمى شتيمة ولا جنسى دة عار .. خلقنى ربى وخلقك ولا حدش لة خيار
وأنا مهما زاد الحمل فوقى صابر على المشوار .. لا فى يوم أقول أشمعنى أخويا وأخد منة تار
ولا يوم أبص لرزق غيرى وأطق منة وأغار .. ولا أرفع فى يوم عينى على جارتى وأصون
الجار
ولا مهر أدفع لحمارتى وشبكة وسوار .. ولاشقة أجمع فى ثمنها ولا أجهز دار
ولا حرمى حامل تتوحم عايزة الكافيار .. ولا بنتى تخرج عن طوعى وتجيب العار
ولا أبن يدمن ويهلوس ويقع ينهار .. عايش فى حالى متهنى ولية أفكار
باكل وبشرب وأنهق وما فيش أسرار .. وعندى أبن أدم يخدمنى ليل ونهار
أن جعت يشترى برسيمى بأغلى الاسعار .. وفى مرضى يفضل يعالجنى ويدعى الستار
خادم آمين من غير راتب ولاحتى أيجار ..والحين عرفت يابنى أدم ....
مين فينا حمار
مع قبول تحياتى
مازن المصرى
فلسفة حمار
العرض الشجري