إتفقت كافه القوي الوطنية في مصر علي أن يكون
يوم 6 إبريل يوم إضراب عام في مصر
يوم 6 إبريل خليك قاعد في البيت
أو شاركنا فى الميادين العامة
أوعي تنـــــــــزل لكن شاركنا
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا
قول لأصاحبك مايروحوش الشغل همه كمان وخليهم يدخلوا الإضراب
حزب العمل المصري
حركة كفاية
الإخوان المسلمين
حزب الكرامه
حزب الوسط
حركة موظفيالضرائب العقاريه
عمال غزل المحلة
حركة إداريي وعمال القطاع التعليمي
نقابةالمحامين
حركة أستاذه الجامعات
السادس من إبريل إضراب عام سلمي في مصر
أبعت رسايل لخمسة من أصحابك
ولو كل واحد بعت لخمسة في ظرف يومين البلد
كلهاحتعرف بالموبايل بالأرضي بالأيميل
أو حتي رسايل عالشات في قنوات التليفزيون
أنسخوا رسالتنا وأبعتوها تعليق على كل المقالات
ألي بتقروها بيكوا وبينا البلد دي حتتغير ان شاءالله
أختلت المعادلة أخى المعانى ...هل تعتقد انه عندما يتم الاضراب العام من كافة القطاعات سوف نتغير وتزداد المرتبات وتتحسن الاوضاع وتختفى المساوىء...اعتقد كلا
اقتباس:
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر
لمده يوم واحد أليس كذلك....من السهل ان لا أذهب الى الجامعة..ولكن هل من اليسير أن يغلق الخباز والسوق والدكتور والصيدلى وغيرهم ...وهل تعتقد... بحدث ذلك سوف تتحسن الاوضاع أم تزداد سوء؟؟
معادله تحسن الاوضاع..تطالبنا بجدية ولو حتى فى ظل اناس يقصفون باعمارنا ويكبلوننا بالاغلال..
ولكن عندما نريد فك القيود والاغلال فعلينا بشىء من الحكمة والا تعقدت الاغلال اكثر ونعود نعزف لحن الندم والتمنى...
دى رسالة متوجهة لجموع الشعب المصرى اختي نور الفجر
و ادينا بنحاول بيها اننا نهزم غلاء الأسعاء ايوة انا معاكى ان عواقبها هاتبقى على الكل بس تقريبا دلوقتى ماحدش عارف يعيش فى البلد بسبب غلاء الأسعار
ولا انتى مش واخدة بالك من الحكاية دى ؟؟
أخى بما اننا نقطن وطنا واحد فالجميع يشعر بالغلاء الفاحش الذى التهم المرتبات التى لم تعد تكفى لسد المتطلبات الضرورية..ولا مجال للترفية هنا ..فالجميع يطمح ان يعيش فى ظل ظروف اقتصادية مرضية لا تجعلنا نشقى طويلا ونعانى من الضغوط التى تفرضها علينا الحياة... ...ولكن ..هل بالاضراب سوف تتحسن الاحوال ولو شيئا يذكر...؟!!!!!!!!
موضوع يحتاج الى سرد كثير ولكن اكتفيت بذلك ولربما يكون لى عودة بعد ذلك اليوم المنتظر.. وفى جميع الاحوال ننتظر تغير الاحوال..ولكن بتغير نفوسنا وبجديتنا ...أأشكرك أخى المعانى على هذا الطرح....تحياتى لك
نورتى موضوعى المتواضع مرة اخرى اختى الغالية نور الفجر بما اننا احنا الاتنين مصريين هل انتى راضية عن اسلوب المعيشة للشعب المصرى دلوقتى
ايوة معاكى ان الاضراب ممكن مايعملش حاجه نهائى و ممكن يعمل كتير و مش هانستفاد حاجه لو ماعملش حاجه الا العطلة و التعطيل عن كل شئ بس ادينا بنحاول و لو بخطوة و بعدين دى رسالة وصلتنى على الميل و حبيت انشرها و اتمنى انها تؤتى ثمارها على حكومتنا الغريبة التى تتخذ قرارات اغرب فى غلاء الأسعار
سيدي لو كانت البلد تتغير بالاضراب لتغيرت من زمان لكن مع الاسف الانسان الفقير والمحتاج والضعيف هو الخاسر في هذا الاضراب لان اصحاب الاموال لا يعيرون اي اهتمام ولا تهمهم وضعية هؤلاء سواءا كان الاضراب ام لا . ولا يعرف قساوة الزمان الا هؤلاء وتزيدهم الظروف بؤسا وقساوة والمسؤولين واصحاب المناصب العليا يضحكون على غبائهم ويتلاعبون باشلائهم ويفتخرون بضعفهم .
شعارات واقاويل وتنديدات تبقى في الافواه وحبرا على ورق لان القافلة تسير والاصوات تعلوولا من مجيب هذه هي الحقيقة التي تعودناها وهذا هو الواقع اخي الذي نحاول ان نداريه بتغطية الشمس بالغربال اتجاهه
فالاضراب ضريبة يدفعها الانسان العادي المحتاج بدل الصاع صاعين والتظهور يخطو خطوات متسارعة الى الامام والظلام تتوسع رقعته اكثر فاكثر حيث ما عدنا نرى اي بصيص من امال التغيير الى الاحسن
اخي المعاني انا تحدثت عن الوطن العربي ككل وليس مصر لاننا في نفس المحن ونفس التنديدات ونفس الاهات فالوطن العربي يعيش نفس المأسات فلا حول ولا قوة الا بالله العلي العظيم
تذكير بروح وطنية تصرخ من الاعالي بقلم المعاني فمزيدا من تواصلك
دعوة طيبة وكريمة اخي المعاني او تذكير بها تدل على روح المواطنة عندك والتضامن
ونتمنى ان تستطيع ولو ب1 في المائة ان تغير الاوضاع
مع انني اشك والسبب اخي اننا لسنا في مجتمعات راقية او متقدمة تنهض وتتقدم بمثل هذه المظاهرات والمطالب الجماهيرية التي تأخذ حقوقها بكل وعي ومعرفة للحقوق والواجبات في نظام ديمقراطي وحضاري سليم...
شكرا لك اخي المعاني على هذا الاهتمام ونتمنى حقا ان تتغير مجتمعاتنا بشكل يرضينا ويرضي اخلاقنا وعقيدتنا
ننتظر تواصلك والمزيد من تفاعلك ايضا مع مواضيعنا اخي
يوم 6 إبريل
العرض العادي
