حاسب من الأحزان و حاســـــــب لها
حاسب علي رقابيك من حبلـــــــــــها
راح تنتهي و لابد راح تنتهــــــــــي
مش انتهت أحزان من قبلهــــــــــا؟
عجبي !!!
يأسك و صبرك بين إيديك و انت حر
تيأس ما تيأس الحياة راح تــــــــمر
أنا دقت مندا ومندا عجبي لقيــــــت
الصبر مر ويرضك اليـأس مـــــــر
عجبي !!
ولدي نصحتك لما صوتي اتنبــــــــــــح
ما تخفش من جني و لا من شبـــــــــح
و إن هب فيك عفريت قتيل اسأله
ما دافعش ليه عن نفسه يوم ما اندبح
عجبي !!
ولدي إليك بدل البالون ميت بالــــــون
انفخ وطرقع فيه علي كل لـــــــــــون
عساك تشوف بعينك مصير الرجال
المنفوخين في السترة و البنطلـــــون
عجبي !!!
خوض معركتها زي جدك ما خــــاض
صالب و قالب شفتك بامتـــــــــــعاض
هي كده...ما تنولش منها الأمـــــــل
غير بعض صد ورد ووجاع مخاض
عجبي !!!!
كام اشتغلت يا نيل في نحت الصخور
مليون بئونه وألف مليون هاتور
يا نيل أنا ابن حلال و من خلفتــــــك
و ليه صعيبه علي بس الأمــــــــور
عجبي
على بعد مليون ميل من أرضنا..
من الفراغ الكوني بصيت أنا .......
لا شفت فرق بين جبال وبحور.......
ولا شفت فرق ما بين عذاب أو هنا....
عجبي!!!!!
حقـــرا وفــوق كـوكب حقـير مـحتقــر
فى الـكون تكون دنيـاكـو إيـه يا بقر
رملايه من صحرا ؟... لكن إيش تقول
والكـون بـحالـه جـوه عقـل البــشـر
عجبى!!!ا
دي مذكرات وكتبتها من سنين..
في نوتة زرقا لون بحور الحنين....
عترت فيها..رميتها في المهملات...
وقلت صحيح أما صحيح كلام مخبولين..
عجبي!!!!!
عـاد الربيع كـأنه طعم الحـب
والحب نار جوه العروق بتصب
أتمتع ازاى بيه وأنا متقطع
من كتر خوفي لا فى الخطيئة يطب
عجبى !!!!ا
أنا اللي بالأمر المحال اغتوى..
شفت القمر نطيت لفوق بالهوا..
طلته ما طلتوش إيه انا يهمني....
وليه ...ما دام بالنشوة قلبي ارتوى.
عجبي!!!!!!
يأسك وصبرك بين إيديك وانت حر
تيــأس مــا تـيــأس الحياة راح تمــر
أنا دقت منــدا ومنــدا عجبى لقـيـت
الصـبر مــر وبـرضــك اليـأس مــر
عجبى!!!!ا
علم اللوع أضخم كتاب في الأرض..
بس اللي يغلط فيه يجيبه الأرض.....
أما الصراحة فأمرها ساهل .............
لكن لا تجلب المال ولا تصون العرض...
عجبي!!!!!!!
يا باب أيا مقفول ..إمتى الدخول
صـبرت ياما واللي يصـبر ينـول
دقيت سـنين ... والرد يرجع لي :مين ؟
لو كنت عارف مين أنا ..كنت أقول
عجبى!!!!!!!ا
أنا كان لي أب وكان رئيس محكمة..
ستين سنة ..في قضية واحدة أترمى..
ستين سنة وطلع براءة وخرج...............
يشكى الحياة والموت لرب السما ..........
عجبي!!!!!!!
البط شـال عـدى الجبال والبحور
ياما نفسي اهج ...أحج ويا الطـيور
عجبى !!!!!!!!ا
ولو اتضنيت وفنيت وعمري انفرط..
مش عاوز الجأ للحلول الوسط.......
وكمان شطط وجنون ما نيش عاوز...
يا مين يقول لي الصحفيين والغلط.....
عجبي!!!!!!
كروان جريح مضروب شعاع م القمر
سقط من السموات فؤاده أنكسر
جريت عليه قطه عشان تبلعه
أتاريه خيال شعراء وما لهوش أثر
عجبى !!!!!!ا
قالو السياسة مهلكة بشكل عام..
وبحورها يبني خشنة مش ريش نعام..
غوص فيها تلقى الغرقانين كلهم............
دخل الشتا وقفـل البيبـان ع البـيــوت
وجعل شـعاع الشمس خيط عنكبــوت
وحـاجات كتير بتموت فى ليل الشــتا
لكن حـاجـات أكـتر بـتـرفـض تــمـوت
عجبى !!!!!!ا!
أنا قلت آه..سمعوني قلوا فسد..
ده كان جدع قلبه حديد واتحسد..
رديت على الايمين أنا وقلت ..آه...
لو تعرفوا مني زئير الأسد.............
عجبي!!!!!!!!
يا ملونين البيض فى شم النسيم
لـون الحنين والشوق وخمـر النــديم
ماتـعـرفـوش سـايق علـيكو النبي
تــلونـو الأيـــام بـــلون الـــنـــعـــيم
عجبى !!!!ا
بين موت وموت ..بين النيران والنيران..
ع الحبل ماشيين الشجاع والجبان.......
عجبي على دي حياة......ويا للعجب........
إزاي أنا.....ياتخين..... بقيت بهلوان..........
عجبي!!!!!!
.............
أضرب بسهم الوهم وهم الغرام....
وهم الغرام من كتر ما هو لذيذ.......
رشقت أنا ف صدري جميع السهام...
عجبي!!!!!!!
حتة محارة وجدتها فى يـوم لقية
قالت لي شوف كيف الطبيعة شقيه؟
نظرت للكهف اللى فيها ولقيت
إن الطبيعة كمان ...لا أخلاقية
عجبى !!!!!!!ا
آه لو أنا ومحبوب جزنا الفضا..
في سفينة وحدينا واشيا رضا..
ساعة صفا تعجبنا نرجع لها......
والهم قبل ما بيجي يبقى مضى..
عجبي!!!!!!
يـا نجم ....نورك ليه كده بـيرتجف؟؟؟
هوا انت قنديل زيت ؟...أو تختلف؟؟
أنا نجم عالي ...بس عالي قوى
وكل ما انظر تحت أخاف انحدف
عجبى!!!!ا
مزيكه هاديه الكون فيها انــغمــر
وصيف ولـــيل وعقــد فــل وســمر
ياهل ترى الناس كلهم مبسوطين
ويا هل ترى شايفين جمــال القـــمر
عجبى !!!!!
الـمـوج تلول تـــهــبط وتــطلع تــلول
يا بحر خدني الشط صاحبك ملول
والا بــلاش الشط ح اعمــل بــه إيه
ده ريحتـــه طحلب مهـــرى وأم الخلول
عجبى !!!!!!ا
إيـــديا في جيوبي وقلبي طــرب
سارح فى غـربــه بس مـش مغترب
وحدي لكين ونسان وماشى كـده
وبابتعد ...ماعـــرفش ...أوباقــتــرب
عجبى!!!!!ا
نظرت فوق للنجوم وأنا ساير..
رجليا عترت في الحفر والحجاير..
بقيت أقول وأنا ع التراب ..يا سلام..
مش بس عبرة أنا أخدت لكن عباير..
عجبي!!!!!!
عيني رأت مخلوق فى غاية البشـاعة
أنــا قلت لـه لمـا تأمـلته ساعة:
اللذة والمــوت علـــموك الــلزج
وأنا علموني الفلسفة والشجاعة
عجبى !!!!ا
جالك أوان ووقفت وقفت وجود..
يا تجود بده با قلبي يا بده تجود..
ماحد يقدر يبقى على كل شئ...
مع إن....عجبي....كل شئ موجود...
عجبي!!!!!
يـاللى نصحت الـناس بشـرب النبيت
مع بنت حلوه ...وعود ,وضحك وحديت
مش كنت تنصحهم منين يكسبوا
تمن ده كله ؟؟..
عجبى!!!!!ا
كل اللى فى الخمارة صـابهم جنـون
صـبحوا الرجال يتبـادلو كاس المنـون
وبـدم ونبيـت انكتب ع الجـدار
ا(يا ميت ندامة ع اللى قلبـه حنون)ا
عجبى!!!!!!!ا
يا وردة قلبي معاكي في الريح لعب..
لا تعبتي م الريح و لا قلبي تعب.......
إحنا كدة :نرتاح في صخب الجنون......
و في السكون بنخاف قوي و نترعب.....
عجبي!!!!!!!
عيد ..والعيــال اتنـططوا ع القـبور
لعبــوا استغـمـــاية..ولعبوابـابـور
وبــاللونــات..ونـايلونـــات شـفتـشى
والحــزن ح يروح فين جنب السـرور
عجبى!!!!!ا
ع الجسر فتح الصبح تحت الضباب..
بين اللي لسه بينغرس و اللي طاب..
مااهتز قلبي لنبت طالع جديد.........
عجبي!!!!!!!!!
وقفت بين شـطيـن عـلى قـنطرة
الكــدب فين والصــدق فين يــا تـرى
محتار حاموت ....الحوت خرج لى وقال
هو الكلام يتقـــاس بــالمـسـطره؟؟
عجبى!!!!1ا
تسلم يا غصن الخوخ يا عود الحطب..
بييجي الربيع ..تطلع زهوركعجب.....
وانا ليه بيمضي ربيع وييجي ربيع.......
ولسه برضك قلبي حتة خشب...........
عجبي!!!!!!!!!
قـالوا الشــقيق بيـمص دم الشـقيق
والنــاس مــاهيــاش نـاس بحــق وحقيــق
قلـــبى رمـيـتــه وجبت غيــره حجــر
داب الحجــر ...ورجعت قلــبى رقيق
عجبى !!!!!!
ورا كل شباك آلف عين مفتوحين ..
وانا وانت ماشيين يا غرامي الحزين...
لو التصقنا نموت ....بضربة حجر.....
ولوافترقنا...نموت متحسرين........
عجبي!!!!!!
يــاللى عـرفت الحـب يــوم وانــطوى
حســك تقــول مشتــاق لــنبع الهــوى
حســك تقــول مشتـــاق لنبـــع الغــرام
ده الحب......مينداق منه قطره ...ارتوى
عجبى!!!!!!ا
ورد في ورق سلوفان يا حلوة اهديلك؟
و الا انقله بالطين في الشتلة واجيلك
الأولاني لو وحا بحنــــــــــــــــــــــــــاني
عجبي علي التاني بإيـــه يوحيلـــــــك
عجبــــي!!!!!!
الفيلسوف قاعد يفـــــكر سيبوه
لا تعملوه ســـــلطان ولاتصلبوه
ما تعرفوش إن الفلاسفة يا هوه
الي يقولوه بيرجعويكــــــــدبوه
عجبـــــي!!!!!!!!
سنوات وفــايته عليـا فوج بعد فوج
واحــدة خــدتنى إبن والتــانـية زوج
والتـالتة أب خـدتنى والــرابعة إيه
إيه يعمل إللى بيحدفه مـوج لمــوج؟؟؟
عجبى؟؟؟؟؟
اوقات أفوق ويحل عني غبايــــــــــــا
واشعر كأني فهمت كل الخبايـــــــــا
و افتح شفايفي علشان اقول الدرر
ما أقولش غير حبة غزل في الصبايا
عجبــــي!!!!!!
ياما صـادفت صــحاب وما صحبتهمش
وكاسـات خمــور وشراب وماشربتهمش
أندم على الفرص اللى انا سبتهم
والا على الفرص اللى مـاسـبتهمش
عجبى!!!!!ا
أحب اعيش ولـو أعيش فى الغـــابـات
أصــحى كمـا ولــدتنى أمى وابـات
طائر.. حوان ...حشرة ..بشر بس اعيش
الحياة ...حتى فى هيئه نبات
عجبى !!!!ا
هات يا زمان و هات كمان يا زمان
غير بسمة الشجعان مامني يبان
هو اللي داق الفرحة يوم ثورتــــه
يقدر يعود ولا ثانية للأحــــــــزان ؟
عجبــي!!!!!!
أنا قلبى كان شـخشيخة أصبح جـرس
جلجلت به صـحيوا الخـدم والجــرس
أناالمهـرج ...قمتو ليه خفتو ليه
لاف إيدى سـيف ولا تحت مـني فـرس
عجبى!!!!!
غدر الزمان يا قلبي مالوش أمـــــان
وحاييجي يوم تحتاج لحبة إيمــــــان
قلبي ارتجف وسألني.. أأمنْ بإيه؟
أأمن بإيه محتار بقالي زمـــــــــان
عجبــــــي!!!!!
رقبه إزازه وقلبى فيها أنحشر
شـربت كاس واتنين وخـامس عشر
صـاحبت ناس م الخمرة ترجع وحوش
وصـاحبت ناس م الخمرة بترجع بشر
عجبى !!!!ا
حبيت...لـكن حب من غـير حنــان
وصـاحبت لـكن صحبه مـالهــاش أمـان
رحت لحكــيم واكتـر لقيـت بــلوتى
إن اللى جـوه القلب مش ع اللسان
عجبى !!!
فارس وحيد جوه الدروع الحـــــــــديد
رفرف عليه عصفور وقال له نشـــــيد
منين.. منين.. و لفين لفين يا جدع
قال من بعيد ولسه رايح بعـــــــــــيد
عجبـــــــي!!!!
نوح راح لحـالـه والطـوفـان استمر
مركبنا تايهة لسـه مش لاقية بر
أهم الطـوفان وأهين يـابر الأمـان
إزاى تبـان والـدنيا غرقانة شر
عجبى!!!!
تسلم يا غصن الخوخ يا عود الحطب
بيجي الربيع..تطلع زهورك عجـــب
وانا ليه بيمضي ربيع وييجي ربيـع
ولسه برضك قلبي حتة خشــــــب
عجبــــي!!!!!!
على بعد مليون ميل من أرضنا
من الفراغ الكونى بصيت أنا
لا شفت فرق مابين جبال أو بحور
ولا شفت فرق مابين عذاب أو هنا
عجبى!!!!!!!ا
وسط الحطام اتفرجوا يا أنـــــــــــام
تمثال ملك..ومبوله م الرخــــــــــام
الاتنين نحتهم نفس أسطى الحجر
و كانوا ذات يوم كتلتين لسه خام
عجبــي!!!!!
سـرداب فى مستشفى الـولاده طـويــل
صـرخات عذاب ورا كل باب عـويل..
وفى الطريق متذوقين البنات...
متذوقين للحب والمواويل
عجبى !!!!!!!!
كيف شفت قـلبى والـنبى يـاطبيب
همد ومـات والا سامع لـه دبيب
قاللي لقيته مختنق بالدموع
وما لوش دوا غير لمسه من إيد حبيب
عجبى!!!!!!!!ا
عجبي عليك..عجبي عليك يا زمن
يا أبو البدع.. يا مبكي عيني ديمــــاً
إزاي أنا.. أختار لروحي طريـــــــــق
و أنا اللي داخل في الحياة مرغماً
عجبـــــــي!!!!!
التعديل الأخير تم بواسطة : بحر الأسرار بتاريخ 03-22-2008 الساعة 05:50 PM.
السبب: منقول مع بعض الحذف
صلاح شاهين فنان شامل فهو شاعر مجيد ورسام كاريكاتير من الدرجة الأولى ….
أعطته شخصيته المرحة وظرفه الكثير من التفرد في مجال الشعر العامي ومجال رسم الكاريكاتير .
بل حتى انه كاتب سيناريوهات من الدرجة الأولى كتب سيناريوهات العديد من الأفلام الشهيرة …. ومنها خلي بالك من زوزو – أميره حبي أنا – شفيقة ومتولي – المتوحشة ، كما ألف العديد من مسرحيات العرائس منها – الليلة الكبيرة ، واو بريت – القاهرة في ألف عام
كتب العديد من الأغنيات العاطفية والوطنية
ومن رباعياته
عجبي
غدر الزمان يا قلبي ما لهوش أمان
وحاييجي يوم تحتاج لحبة إيمان
قلبي ارتجف وسألني ..أأمن بإيه
أأمن بإيه محتار بقي لي زمان
عجبي
أحب اعيش ولو أعيش في الغابات
أصحي كما ولدتني أمي وابات
طائر.. حُوان.. حشرة.. بشر.. بس أعيش
محلا الحياة.. حتي في هيئة نبات
عجبي
سَهٌير ليالي وياما لفٌيت وطفت
وفي ليلة راجع في الظلام قمت شفت
الخوف.. كأنه كلب سد الطريق
وكنت عايز أقتله ... بس خفت
شكرا عزيزتي نور الفجر على اختيارك المميز وفي انتظار القادم
يعتبر الشاعر الكبير صلاح جاهين من أعظم شعراء العامية المصرية ، بالإضافة إلي شهرته كرسام كاريكاتير وكاتب سيناريو وممثل ، فهو فنان متعدد المواهب وله العديد من الإبداعات في الشعر والرسم والتمثيل .
شكرا لك عزيزتي نور الفجر على هذا العرض الرائع
والقيم و الاختيار المميز
ننتظر منك المزيد من الرقي
نور الفجر الحبيبة
عرفتني من خلال هذا العرض الرائع على رائعة من روائع صالح شاهين الذي وضعته بين ايدينا لنستنشف روائع الكلمات وابجديات الاحرف المرسومة على اجمل الاوتار والقمم
والتي تسكن كلمات هيدي الرائعة في خلجاتنا
شكرا اختي على هذا التألق الذي يشهد به لك قلمك بين الصفحات
..رباعيات صلاح جاهين ..
العرض العادي
