وصفه أمي الحبيبه للديول والحشوه اخذتها من احدى زميلاتي صينيه هم يسمونها السوشي تشن تشن
المكوّنات للعجينه :
- كاسان سميد رطب
- ملعقه ملح
- كاس ونصف ماء
- ملعقه صغيره خل
- حبتين بطاطا متوسطه
- حبه جزر
- بيضتين
- 4قطع جبن كيري أو اي جبن
الخطوات
اولا نحضر العجينه ونتركها ترتاح مده ساعه على الأقل نخلط مكونات ونجمعها بالماء نلمو العجينه ندلكوها خمس دقايق ونغطيها وتخليها ترتاح
بعد نروحو في قدر نضع البطاطا تغلي في ماء مع البيض عندما تجهز نرحوها مع الجبن والبيض ونرابي الجزر رقيق نضيفوه للخليط مع الكسبر اخضر أو معدنوس كيما تحبو
بعدما ارتاحت العجينه نعاودو ندلكوها مليح ونقطعوها دوائر مثل مانعملو الفطير نحطو طاجين الحديد يسخن على نار قليله وبعد نطيبو بالوحده ولكن نصف طياب قيس متشيح العجينه برك ونحوه منحمروش الديول وبعد في كل وحده نحطو حشوه ونروليوه بوراك ونطيبوه في الزيت عادي وشهيه طيبه والله يجيو بنان