جبت لكم هذه الفكرة من احد المنتديات يعطي الف عافية لصاحبتها
تقول صاحبة الفكرة ....
كنت أفكر بأي شي يجلس في السيفون مدة طويلة
كان عندي حاجة زي الصابونة
المسكة أحطها بالسيفون وتعطي رغوة وريحة ولون الماء يكون أزرق
ومن هذا المنطلق فكررررررررررت
فوجدت انه ما يصلح عملياً فكرت أحط صابونة مسكة لها ريحة قوية بس ودتها بتذوب بسرعة
رميت فيه فنتالين وبرضوه يخلص بسرعة ويتحرك من مكانه وممكن يعيق حركة عمود الكبس حق السيفون
فلقيت طريقة من أحد الأخوات وأنا أضفت عليه شوية أفكار وإرشادات
فكرة الأخت جزاها الله خير أنك تجيبين علبة بلاستيك وتحطين فيها الجل الأخضر المعقم حق الحمامات وتخرمينها كم خرم بالمفك المربع أربعة خروم فوق وأربعة تحت وان حبيتي تزيدين الخروم زيدي
وترمينها في السيفون وتبقى حوالي الشهر
وممكن شهرين حسب إستعمالكم للتواليت
وأنا أضيف عليها وأقول هناك من الجل بروائح متعددة مثل التفاح الليمون والفراولة
العلبة خليها واقفة بالجانب المقابل للعوامة
وأيضاً خليها واقفة مو نايمة
ومن مميزات هذه الطريقة أنها تريحك من التعقيم والتعطير كل شوي بعد الإستعمال وتبعد الإحراج
وتوفر ماء السيفون المهدر لأن العلبة تشغل حيز من السيفون عوضاً عن الماء
ولقيت لكم طريقة مجربه شخصيا لتعطير الحمام
وبالخطوات المصورة
اولا
نحتاج إلى
علبه بلاستيك ماتكون كبيرة ولا صغيرة متوسطه كل ماكانت أصغر يكون أفضل
واللي بالصورة علبة جل حق الشعر وممكن تلاقون زيها عند أبو ريالين وممكن علب المايونيز وماشابهها
ثانيا
نحتاج للجل الأخضر الخاص بالتنظيف من أي ماركة
وهذي صورة الأصلي اللي أنا أستعمله في بيتي ولا أستغني عنه 2000ملم بـــــ 10 ريال ووقت العروض
التجارية يوصل سبعة ريال
ثالثا
طريقة العمل
بالبداية ناخذ العلبة البلاستيكية ونسوي فيها فتحات إما بالمفك أو غيره
وأنا إستخدمت أداة مثل السيخ سخنته على النار وبعدها بديت أعمل ثقوب بالعلبة
هذه صورة العلبة مع الأداة
وهذي صورة للعلبة بعد ماعملت فيها ثقوب
وكل ماتكون الثقوب كثيرة كل ماتكون تنزل من المحلول أكثر وتخلص أسرع
رابعا
ناخذ العلبة ونعبيها من الجل الأخضر وتصير عندنا بهذالشكل
شفتوا تحفة
يا سلام عليك يا غاليتي لؤلؤة على هذه المعلومات
وهذا النقل الرائع والذي تحتاجه كل ربة بيت تريد
ان تعطر المرحاض
مزيدا من هذا التألق ومزيدا من هذا التواصل
وفي انتظار الجديد
لتعقيم وتعطير التواليت
العرض العادي
